Türkiyə Prezidenti Rəcəb Tayyib Ərdoğan hakim Ədalət və İnkişaf Partiyasının (AKP) fevralın 23-də keçirilməsi planlaşdırılan qurultayı ərəfəsində hökumətdə dəyişikliklə bağlı qərar verə bilər.

"Turaztv.az" “Qafqazinfo”-ya istinadən xəbər verir ki, bu barədə “Gazete Duvar” məlumat yayıb.

Nəşrin məlumatına görə, vitse-prezident Cevdet Yılmaz, xəzinə və maliyyə naziri Mehmet Şimşək, xarici işlər naziri Hakan Fidan, milli müdafiə naziri Yaşar Gülər, ətraf mühit, şəhərsalma və iqlim dəyişikliyi naziri Murat Kurum və səhiyyə naziri Kamal Memişoğlu vəzifələrində qalacaqlar.

Bildirilir ki, digər nazirlər arasında 3-4 nəfər dəyişdirilə bilər.

Keçmiş xəzinə və maliyyə naziri, Ərdoğanın kürəkəni Berat Albayrakın yenidən hökumətdə vəzifə sahibi olacağı iddia olunur.

Fotoda Berat Albayrak