Danimarka Apellyasiya Məhkəməsi Kiyevin Rusiya və Ukrayna vətəndaşının ekstradisiyasına dair tələbini təmin etməkdən imtina edib.

"Turaztv.az" “Report”-a istinadən xəbər verir ki, bu barədə “Ritzau” agentliyi məlumat yayıb.

Qeyd olunub ki, yekun qərar vermək üçün iş Ali Məhkəməyə göndərilib.

Rusiyalı Kiyev hakimiyyəti tərəfindən casusluqda, ukraynalı isə dörd qızıl-zinət əşyası və nağd pul oğurluğunda ittiham olunur.

Nəşr bildirib ki, imtina üçün məhkəmə hər iki təqsirləndirilən şəxsə qarşı işgəncə və qeyri-insani rəftarın digər formalarının tətbiq edilməsi ehtimalını əsas götürüb.

Ölkə qanununda göstərilib ki, Avropa İnsan Hüquqları Konvensiyasının işgəncə və digər qeyri-insani rəftarla bağlı maddəsinin pozulması riski olduqda ekstradisiya həyata keçirilə bilməz.