Turaztv.azın təqdimatı.ABŞ-nin yeni seçilmiş prezidenti Donald Tramp inauqurasiyadan əvvəl ən bahalı şam yeməyini yeyib.

Ölkə.Az "Bild"ə istinadən xəbər verir ki, ənənəvi bazar günü şam işığında dünyanın ən bahalı şam yeməyi Vaşinqtonda Milli Qalereyada baş tutub.

Naharda ABŞ hökumətinin diqqət mərkəzində olmaq istəyən qonaqları bu fürsət üçün ən azı bir milyon dollar ödəyiblər. Bu vəsait inauqurasiya üçün ianə kimi təqdim edilib.

Ziyafətdə boş yer olmayıb.

Trampın şam yeməyinə qonaqları arasında texnologiya sahəsi üzrə milyarder İlon Mask və "Amazon"un qurucusu Ceff Bezos və həyat yoldaşı Lauren Sançes də yer alıb. Onların hamısı Tramp və ya onun həyat yoldaşı Melaniya ilə ünsiyyət qurmağa və ya prezidentin övladları -kiçik Donald və Erik ilə ən azı qısaca ünsiyyət qurmağa çalışıblar. Hər ikisi atalarının yaxın məsləhətçiləri sayılırlar.

Qonaqların 200 milyon dollardan çox ianə verdiyi barədə şayiələr dolaşır.

Trampın ilk andiçmə mərasimindən əvvəl “giriş biletləri” bunun yarısına, yəni 500 min dollara başa gəlib. Milyarderlər bunu yaxşı investisiya hesab edirlər.

Şam yeməyinin sonunda həyat yoldaşı Melaniya ilə səhnəyə çıxan Tramp deyib: "Bu, gözəl bir gün oldu və sabah başqa bir gözəl gün olacaq. Sabah millətimizi xilas etməyə və Amerikanı yenidən möhtəşəm etməyə başlayacağımız gündür".

Mürtəza
Ölkə.Az