Hazırda ABŞ İsrailə silah və sursat tədarükünə məhdudiyyətlər qoymaq niyyətində deyil.

Turaztv.az APA -a istinadən xəbər verir ki, bunu ABŞ prezidentinin milli təhlükəsizlik üzrə köməkçisi Ceyk Sallivan deyib.

“Biz ardıcıl olaraq açıq şəkildə bildirmişik ki, haqqında danışdığınız addımlar bizim cari siyasətlərimizə daxil deyil”, - deyə Sallivan İsrailə silah tədarükünə məhdudiyyətlərin tətbiqi perspektivlərini şərh edərkən deyib.

Xatırladaq ki, bir müddət öncə “Politico” nəşri yazmışdı ki, Təl-Əviv Qəzza zolağında quru əməliyyatını anklavın cənubundakı Rəfah şəhərinə qədər genişləndirsə, ABŞ Prezidenti Co Bayden İsrailə hərbi yardımı məhdudlaşdırmaq barədə düşünə bilər.