Böyük Britaniya və Fransa Rusiyanın işğalına qarşı mübarizədə Ukraynaya nə qədər lazımdırsa, dəstək verəcəklər.

Bunu Böyük Britaniyanın xarici işlər naziri Devid Kemeron Parisə səfəri zamanı bildirib.

Kemeron fransalı həmkarı Ketrin Kolonna ilə danışıqlardan sonra Rusiya prezidenti Vladimir Putinin uduzmasının son dərəcə vacib olduğunu vurğulayıb.


Britaniyalı nazir deyib: “Mən şübhə etmirəm ki, biz Putinin məğlubiyyətinə nail ola bilərik”.

Xarici xəbər agentlikləri qeyd edir ki, bu açıqlama Qərbin Kiyevə dəstəyinin davam etməsi ilə bağlı son narahatlıqlar fonunda verilib.