AFFA təşkil etdiyi futbol üzrə Yüksək Qızlar Liqasının 2022/2023-cü il mövsümünə yekun vurulub.

Turaztv.az AZƏRTAC-a istinadən xəbər verir ki, “Kapital Bank Arena”da çempionatın sonuncu - XVIII turunun “Sumqayıt” - 8 №-li İOEUGiM (7:4) oyunu keçirilib. Qarşılaşmadan dərhal sonra mövsümü ilk üç pillədə tamamlayan komandalara müvafiq olaraq, qızıl, gümüş və bürünc medallar təqdim olunub. “Sumqayıt” 2023/2023-cü il mövsümünün qalibi, “Neftçi” ikinci, “Xırdalan City” komandası isə üçüncü olublar.

“Xırdalan City” komandasının üzvü Fidan Cəfərova mövsümün ən yaxşı oyunçusu, “Neftçi”nin oyunçusu Məryəm İsayeva isə ən yaxşı qapıçı seçiliblər. Şəfəq Nəsirova (“Sumqayıt”) 64 qolla mövsümün ən məhsuldar oyunçusu olub.

Mükafatları AFFA-nın texniki direktoru Cahangir Həsənzadə, qadın futbolu departamentinin rəisi Əminə Həsənova, “Sumqayıt”ın prezidenti Riad Rəfiyev və U-17 (qadınlar) milli komandasının baş məşqçisi Nərgiz Qurbanova təqdim ediblər