İyirmi il əvvəlin və... bu günün şeiri

Xəbərlər

19.05.2023, 00:35

İyirmi il əvvəlin və... bu günün şeiri - FOTO

İyirmi il əvvəlin və... bu günün şeiri

Qanımı qaraltma,kefimi pozma,
Bir az ləzzət alım yaz gəlişindən.
Hər eşitdiyin sözü yüz yerə yozma,
Əl çək, zalım qızı, bu vərdişindən!

Qulaq as, bağçada quşlar oxuyur,
Bir azca duyğulan, bir azca vurul.
Salxım yasəmənlər ətir qoxuyur,
Sən də bir ətirlən, sən də bir durul!

O ki can dostundu atma vicdanı,
Dilini şirin et könlünü dindir.
Masanın üstündə büllur güldanı,
Bir dəstə gül ilə can ver sevindir.

Ömrün anlarıdır gedər və gəlməz,
Yaxşısı ya pisi bizdən asılı.
Ərinə dəyər ver,ay qədirbilməz
onun da taleyi səndən asılı!

Könlünün açarın verib əlinə,
Qoru məhəbbətin sevgisin qoru!
Əlini şəst ilə vurub belinə,
Toxuma sevginə hörümçək toru!

Min gözəl içindən səni sevibdi,
Düşünüb ağıllı kamallı qızdı.
Hardan biləydi ki, yanlış seçimdi,
Uğursuz sevgi də üzgün,cılızdı!

Hazırsan gözlüklü əfi ilan tək,
Anında sancmağa sən filankəsi!
Müqəssir bilirsən prokuror tək,
İttiham edirsən günahsız kəsi!

Ömrün illərini verirsən bada,
Acıdil olmağın tək qoyar səni!
Düşərsən yollara payi-piyada,
Onda əzizlərin unudar səni!

Mənim dediklərim nəsihət deyil,
Sizin bu halınız incidir məni!
O məsum uşaqlar günahkar deyil,
Nə sən anlamazsan, nə o erməni!

İyirmi il keçdi dediyim vaxtdan,
İsidə bilmədiz yuvanı birgə!
Yarıya bilmədin kor, şikəst baxtdan,
Nə də o yarıdı səninlə birgə!

Cümşüd Aydəmirdən olma gileyli,
Peşiman olmaqdan indi nə fayda?!
Viranə könlün də səndən gileyli,
Yarın bu taydadı,yarın o tayda!

Cümşüd Aydəmir,
Quba,Xudat 16-17.05.23