Futzal üzrə Azərbaycan millisi dünya çempionatının əsas mərhələsini məğlubiyyətlə başa vurub.

Turaztv.az AZƏRTAC-a istinadən xəbər verir ki, millimiz səfərdə Polşa yığmasının qonağı olub. Koşalin idman zalında keçirilən oyunda Polşa millisi böyük hesablı qələbə qazanıb – 7:2.

Millimizin qollarını İsa Atayev və Amadeu vurublar.

Bu nəticədən sonra hər iki komandanın 9 xalı olsa da, Polşa seçməsi qrupu ilk pillədə tamamlayıb. Bakıdakı matçda minimal hesabla (3:4) uduzan Polşa seçməsi şəxsi oyunlardakı üstünlüyə görə qrup qalibi olub.

Elit-raunda vəsiqəni ötən tur təmin edən Azərbaycan millisi isə qrupu ikinci sırada başa vurub.