"Qızıl top"un təltifetmə mərasimində ilin ən yaxşı gənc futbolçusu bəlli olub.

Turaztv.az AZƏRTAC-a istinadən xəbər verir ki, Fransanın paytaxtı Parisdə keçirilən “Qızıl top”un təqdimetmə mərasimində “Kopa Trofi” də sahibini tapıb. Mükafata İspaniya millisinin və "Barselona"nın yarımmüdafiəçisi Qavi layiq görülüb.

18 yaşlı oyunçu səsvermədə Kərim Adeyemi (Almaniya, “Borussiya” Dortmund), Cud Bellingem (İngiltərə, “Borussiya” Dortmund), Eduardo Kamavinqa (Fransa, “Real”), Rayan Qravenberx (Niderland, “Bavariya”), Yoşko Qvardiol (Xorvatiya, “Leypsiq”), Nuno Mendeş (Portuqaliya, PSJ), Camal Musiala (Almaniya, “Bavariya”), Bukayo Saka (İngiltərə, “Arsenal”) və Florian Vitsi (Almaniya, “Bayer”) qabaqlayıb.