Turaztv.az AZƏRTAC-a istinadən xəbər verir ki, 37 ölkədən 284 idmançının qatılacağı mötəbər yarışda Azərbaycanı 10 idmançı təmsil edəcək. Belə ki, kişilərdən ibarət komandanın böyük məşqçisi Mövlud Mirəliyevin rəhbərliyi altında yarışda Rövşən Əliyev, Turan Bayramov (60 kq), İbrahim Əliyev, İsmayıl İbrahimov (66 kq), Telman Vəliyev (73 kq), Elcan Hacıyev, Zelim Tckayev (81 kq), Murad Fətiyev (90 kq) iştirak edəcəklər.

Qadınlardan ibarət milli komanda isə turnirə məşqçi Vüqar Hüseynovun rəhbərliyi ilə qatılacaq. Komandanın heyətində Aişə Qurbanlı, Şəfəq Həmidova (48 kq) yer alıblar.