Xəbərlər / Nesr
5.05.2022, 23:21
Böyüklüyün, əzəmətin və hörmətin fövqündə dayanan 65 - Daşdəmir ƏJDƏROĞLU
Hər birimiz üçün müəllim doğma və əzizdir. Çünki müəllim bizə təhsil verir, dərs öyrədir, yol göstərir, daim qayğımıza qalır. Buna görə də müəllimlərimizi böyük ehtiram və hörmətlə xatırlayırıq. Öyrəndiklərimizə görə həmişə onlara minnətdarıq.
Müəllimlər cəmiyyətin memarlarıdır desək, yəqin ki, səhv etmərik. Bu danılmaz bir həqiqətdir ki, hər kəsin layiqli vətəndaş kimi formalaşmasında müəllimlərimizin əvəzsiz xidmətləri vardır.
Ümummilli liderimiz Heydər Əliyev həmişə müəllim əməyini yüksək qiymətləndirirdi. Dahi şəxsiyyət öz müəllimlərini minnətdarlıqla xatırlayar, onların xidmətləri haqqında ürəkdolusu danışardı. Ulu Öndər ölkəmizə rəhbərlik etdiyi bütün dövrlərdə həmişə müəllimə hörmət və ehtiramla yanaşıb, onların maddi rifah halının qayğısına qalıb. "Mən yer üzündə müəllimdən yüksək ad tanımıram. Hər birimizdə müəllimin hərarətli qəlbinin bir zərrəciyi vardır. Məhz müəllim doğma yurdumuzu sevməyi, hamının rifahı naminə vicdanla işləməyi müdrikliklə və səbirlə bizə öyrətmiş və öyrədir. Hər birimizin öz müəllimi vardır və biz bütün ömrümüz boyu onun xatirəsini hörmətlə, minnətdarlıqla qəlbimizdə yaşadırıq".
Fərman müəllimlə ara-sıra görüşlərimizdə mən orta məktəbdə oxuduğum o mübhəm, doğma illəri yadıma salıram. Bu gün də Fərman Hüseynova o dövrümüzün müəllimi kimi baxıram və yaşımın bu çağında da o formada müraciət edirəm. Çünki o müraciət beynimə əbədi həkk olunub. Çünki o müraciətin arxasında bir alicənablıq, böyüklük, əzəmət və dəruni hörmət dayanır. Bu dar məqamda istədim ürəyimi boşaldım, amma alınmadı. Sağlıq olsun, Allah qoysa, koronavirus mənə dəyməsə))))), sevimli müəllimimin 65 illiyinə adına və adıma layiq yazı hazırlayacağam. Amma obyektiv və məndən asılı olmayan səbəblərdən geniş formada yazıb paylaşa bilmədim. Amma ürəyim ağıllı sözlərlə, şirin xatirələrlə doludur.
Hələliksə bu ad gününü – 65-ci baharını sadəcə belə təbrik edirəm:
Hörmətli və dəyərli insan, sevimli Fərman müəllim!
Ad gününüz mübarək olsun!
Şagirdiniz Daşdəmir ƏLDƏROĞLU
Son xəbərlər
Ən çox oxunanlar
- Bu gün
- Bu həftə
- Bu ay
