Xəbərlər
23.12.2021, 22:55
İlqar Süleymanlı Bizəban - Qəzəl
Etmə, ey sevdiciyim, qəlbimi naşad, bu gün,
Onu bir qəmzən ilə yad edib, et şad, bu gün.
Uçuban qoy dolana başına könlüm bir ara,
Arayıb zülf ara tapsın ola irşad, bu gün.
Bənd-bənd et onu zənciri-cünun ilə əsir,
Vermə fürsət ona, ta olmaya azad, bu gün.
Ver əziyyət ki, sənə artıracaq əcrü səvab,
Rəhm edib göz yaşına, eyləmə imdad bu gün.
Nə qədər var isə vur köksünə naz oxlarını,
Elə al ilə, bu viranəni abad bu gün.
Ah çəkməkçün aman vermə ki, dözməz, dəhənin
Qönçə gül ilə qapa, etməyə fəryad bu gün.
Bizəban zamin olub qətlinə, İlqar, duydum,
Sən də söz verdin ona, ey dili-bidad, bu gün.
Son xəbərlər
Ən çox oxunanlar
- Bu gün
- Bu həftə
- Bu ay
