Nədənsə Azərbaycanın özünə aid torpaqları geri alması Minsk Qrupu daxilində və xaricində olan bir çox ölkəni narahat etdi.

Turaztv.az Axar.az-a istinadən xəbər verir ki, bu sözləri Türkiyənin hakim Ədalət və İnkişaf Partiyasının (AKP) sözçüsü Ömər Çelik deyib.

“Fransada qəbul edilən qərarları gördük. Sanki qeyri-qanuni iş görmüş kimi Azərbaycanın ünvanına əsassız təhdidlər səsləndirənlər var. Ən son Belçikada qətnamə qəbul edildi. Belçika Nümayəndələr Palatasına mesajımız qətidir: Bu qərarın heç bir qüvvəsi yoxdur. Haqsız erməni işğalı qarşısında susanların haqlı zəfər qazanılan zaman narahat olmaları qeyri-hüquqi davranışlar olaraq qəbul edilməlidir”, - deyə Çelik bildirib.