Xəbərlər
3.06.2026, 01:17
SEVİNC YUNUSLU : Mən bağışlaya bilmirəm.. - FOTO
Bunu xoşlaya bilmirəm..
Mən sevməyi bacarıram,
Mən bağışlaya bilmirəm..
Heç qınamıram, qırmağa-
Könül tapmışdın yormağa..
Yuvam uçdusa qurmağa
Bir də başlaya bilmirəm..
Hakim olmadım bu üzdən,
Həkim olmadım bu üzdən.
Mən balıqları dənizdə
Dönüb daşlaya bilmirəm..
Sevda odu, mumca dəmi..
Dünya aşiq, qumca qəmi..
Başımdakı bunca qəmi
Bir an boşlaya bilmirəm..
Zəifdisə zəif oldum,
Eşqə düşdüm heyif oldum..
Sənə döndüm, qeyb oldum,
Eşqi aşılaya bilmirəm..
Mən sevməyi bacarıram,
Mən bağışlaya bilmirəm..
Son xəbərlər
Ən çox oxunanlar
- Bu gün
- Bu həftə
- Bu ay
