Britaniyanın məşhur "Daily Mail" nəşri diqqət çəkən məqalə dərc edib.

Nəşrin məlumatına görə, son bir həftə ərzində Yer kürəsində qəribə titrəyişlər baş verir ki, bu da kütləvi şəkildə insanlarda yuxusuzluğa və qulaqda səsə səbəb olub.

Məqalədə yazılıb: "Yer kürəsinin "zümzümə" adlandırılan titrəyişləri bir həftədən çoxdur ki, artmaqdadır və bu fenomen bəzi insanların yuxularını pozub və qulaqlarda cingiltiyə səbəb olur".

Yazının müəllifləri bunun Şuman rezonansı kimi tanınan bir fenomen olduğunu iddia ediblər.

Alimlər isə belə hesab edirlər ki, Yer kürəsində başlayan bu qəribə titrəyişlərə maqnit fırtınaları və Günəşdə baş verən aktiv partlayışlar təsir göstərir. Adı çəkilən təbii proseslər özünün klassifikasiyasından asılı olaraq son bir həftədə artan bu fenomeni gücləndirə bilər.