Xəbərlər
11.04.2026, 20:57
Müəllifi: Natella Nur ✍️ : GÖZƏL YAZDAN XƏBƏR VERİR - FOTO
Göy çəmənlər, gül- çiçəklər,
Naz-qəmzəli bənövşələr,
Gülər üzlü tər nərgizlər,
Gözəl yazdan xəbər verir.
Qönçələnən qızılgüllər,
Səs- səsə verən bülbüllər,
Xoş ətirli yasəmənlər,
Gözəl yazdan xəbər verir.
Qaranquşlar qanad çalır,
Eyvanlarda yuva salır,
Dimdiyində ot daşıyır,
Gözəl yazdan xəbər verir.
Dəstə- dəstə durna gəlir,
Dövrə vurub yallı gedir,
Qaqqıldaşıb nəğmə deyir,
Gözəl yazdan xəbər verir.
Günəş hərdən gülümsəyir,
Hərdən də, üzün gizlədir,
Şəfəqləri can isidir,
Gözəl yazdan xəbər verir.
Mavi bulud axıb gedir,
Süzərək ahəstə gedir,
Sərin meh, çiskin gətirir,
Gözəl yazdan xəbər verir.
Son xəbərlər
Ən çox oxunanlar
- Bu gün
- Bu həftə
- Bu ay
