Turaztv.az » Xəbərlər » De gəlsin. Nailə Şahverdiyə - FOTO
Xəbərlər

De gəlsin. Nailə Şahverdiyə - FOTO

02.04.2026, 00:01 123
Vətən qızı Brilyant Atəş

Usta sənsən, bu meydanda, xamam mən,
Aç sinəni, döşə sözün, de gəlsin.
Yıxılmasın, büdrəməsin heç zaman,
Təpər tapsın qoşa dizin, de gəlsin.

Əl gəzdirmə, inciyər, Ay üzünə,
Qara zülfü tül kimi yay üzünə,
Get lalədən bir xal al qoy üzünə,
Şeh üstündə qalsın izin, de gəlsin.

Oxumuşam dərsimi "əlif", "be" dən,
Çoxlu görüb boynumda əl, ip- didəm,
Yoxdur, bala, daha çox gəlib-gedən,
Al sinənə, götür sazın, de gəlsin.

Yoxdu məndə mərdi basmaq, eşit, bil,
Namərd varsa həyatından təmiz sil,
Təmiz ürək, təmiz vicdan, təmiz dil
Qorxma bala, göndər azın, de gəlsin.
Xoşbəxt gəlsin gələn yazın, de gəlsin.


31.03.2026.

Oxşar xəbərlər