Xəbərlər
24.02.2026, 00:45
Tükənməz etibarı var, vəfaya söykənənlərin.
QƏZƏL
Öləndə qəbri bellənər, xətaya söykənənlərin,
Yanar, külündə köz qalar, Xudaya söykənənlərin.
Fələk gələndə qəflətən, ömür zəmanət istəməz,
Həkim, təbibi tez gələr, dəvaya söykənənlərin.
Kədərlə, qəmlə yollaşan, həyata bağlanar, fəqət,
Qılıncı qında paslanar, cəfaya söykənənlərin.
Çəpər çəkənlər ev tikər, damında tüstü fırlanar,
Əlində bağlanar qıfıl, həvaya söykənənlərin.
Xudaya, arzular qədər, dilək yaratmadın, nədən?
Ətası kəm-kəsirdədir, nəvaya söykənənlərin.
Mürəkkəb üstə parlayan nə qədri cümlələr qalıb,
İsimlə, zərfi hallanıb nidaya söykənənlərin.
Cahan da cəngə başlayıb, halal haramdan ayrılıb,
Düşəndə taxtı boş qalıb, gədaya söykənənlərin.
Könüldə sevgi bəsləyən, çətində dostu səsləyər,
Tükənməz etibarı var, vəfaya söykənənlərin.
Bu paslı, hisli aləmin içində nurlu Lilparam,
Gözündə səbri dincələr, duvaya söykənənlərin.
Yanar, külündə köz qalar, Xudaya söykənənlərin.
Fələk gələndə qəflətən, ömür zəmanət istəməz,
Həkim, təbibi tez gələr, dəvaya söykənənlərin.
Kədərlə, qəmlə yollaşan, həyata bağlanar, fəqət,
Qılıncı qında paslanar, cəfaya söykənənlərin.
Çəpər çəkənlər ev tikər, damında tüstü fırlanar,
Əlində bağlanar qıfıl, həvaya söykənənlərin.
Xudaya, arzular qədər, dilək yaratmadın, nədən?
Ətası kəm-kəsirdədir, nəvaya söykənənlərin.
Mürəkkəb üstə parlayan nə qədri cümlələr qalıb,
İsimlə, zərfi hallanıb nidaya söykənənlərin.
Cahan da cəngə başlayıb, halal haramdan ayrılıb,
Düşəndə taxtı boş qalıb, gədaya söykənənlərin.
Könüldə sevgi bəsləyən, çətində dostu səsləyər,
Tükənməz etibarı var, vəfaya söykənənlərin.
Bu paslı, hisli aləmin içində nurlu Lilparam,
Gözündə səbri dincələr, duvaya söykənənlərin.
Son xəbərlər
Ən çox oxunanlar
- Bu gün
- Bu həftə
- Bu ay
