Sentyabrın 25-də Naxçıvan Şəhər İcra Hakimiyyətinin təşkilatçılığı ilə “27 Sentyabr – Anım Günü” münasibətilə ağacəkmə aksiyası keçirilib.

İcra hakimiyyətindən AZƏRTAC-ın bölgə müxbirinə bildirilib ki, aksiya iştirakçıları əvvəlcə şəhidlərimizin əziz xatirəsini bir dəqiqəlik sükutla yad ediblər.

Aksiya çərçivəsində Naxçıvan şəhərinin M.Şəhriyar küçəsində yaşıllıq üçün nəzərdə tutulan ərazidə 100-dən artıq müxtəlif növ ağac əkilib, suvarma işləri aparılıb. Ərazidə yaşıllıqların qorunması üçün müvafiq tədbirlər görülüb, ağaclara aqrotexniki qulluq göstərilib.