Cəlilabad rayonunda mədəniyyət və ədəbiyyat həmişə diqqət mərkəzində olub, bu gün isə -- 20.09.2025-ci il tarixdə bu diqqət daha da parlaq bir şəkildə təzahür etdi. Heydər Əliyev Mərkəzində jurnalist və yazar Solmaz Məmmədovanın “Onu gözləyən var” kitabının təqdimatı böyük bir mərasimlə keçirildi. Tədbir Cəlilabad Rayon İcra Hakimiyyətinin rəhbərliyi və Lənkəran-Astara Regional Mədəniyyət İdarəsinin dəstəyi ilə təşkil olunmuş, ziyalılar, yaradıcı insanlar və mədəniyyət xadimlərinin geniş iştirakını təmin etmişdir.
Mərasim rayonun dəyərli ziyalısı, fəlsəfə elmləri doktoru, yazıçı Bilal Alarlının açılış nitqi ilə başladı. O, Solmaz Məmmədovanın uzun illər “Yeni Gün” qəzetindəki fəaliyyətindən danışaraq, onun jurnalistika və ədəbi yaradıcılıq sahəsindəki zəngin təcrübəsini tədbir iştirakçılarına çatdırdı. İlk öncə Dövlət himni səsləndi, Şəhidlərimizin müqəddəs ruhu bir dəqiqəlik sükutla yad edildi – bu an həm vətənpərvərliyin, həm də yaradıcılığın bir araya gəldiyi xatirəyə çevrildi.
Tədbirdə çıxış edən Ədəbiyyat və incəsənət portalının baş redaktoru, əməkdar jurnalist, tanınmış yazıçı və mədəniyyət xadimi Varis Yolçuyev, Azərbaycan ədəbiyyatının tanınmış şairi Aqşin Yenisey, Qarabag qazisi Maşallah Əliyev, Cəlilabad Rayon İcra Hakimiyyətinin nümayəndəsi Varid Əsgərov, tanınmış yazıçı Meyxoş Abdullah, şəhər bələdiyyə nümayəndəsi Elçin Hüseynov, fəlsəfə elmləri doktoru İlqar İsmayılzadə və digər ziyalılar Solmaz Məmmədovanın kitabını və yaradıcılığını yüksək qiymətləndirdilər. Onlar müəllifin milli-mənəvi dəyərlərə sadiqliyini, gənc yaradıcı qadınlara göstərdiyi qayğını və “Qönçə yaradıcı qadınlar birliyi”nin əhəmiyyətini vurğuladılar. Solmaz xanımın yaradıcılığı, həm ədəbi, həm də ictimai sahədə göstərdiyi fəaliyyətlə Cəlilabad mədəniyyətinin yüksələn nəbzini simvolizə edir.
Bu uğurlu tədbirin arxasında dayanan əsas dəstəkçi isə Cəlilabad Rayon İcra Hakimiyyətinin başçısı Rafiq Cəlilovdur. Rafiq müəllim yalnız rayonun iqtisadi inkişafına deyil, həm də mədəniyyət və ədəbiyyat sahəsinə böyük diqqət yetirir. Onun ziyalılara və yaradıcı insanlara göstərdiyi qayğı, onların yaradıcılıq fəaliyyətini dəstəkləməsi Cəlilabadda mədəni mühitin zənginləşməsinə imkan yaradır. Rafiq Cəlilov, insanlara olan hörməti və qayğısı ilə həm rəhbər, həm də mədəniyyətin dostu kimi hər kəsin hörmətini qazanmışdır. Onun təşəbbüsləri sayəsində Cəlilabad yalnız işgüzar deyil, həm də mədəni cəhətdən inkişaf edən bir mərkəzə çevrilir.
Tədbirin sonunda Solmaz Məmmədova və ailəsi, göstərilən qayğıya görə Rafiq Cəlilova və tədbirin təşkilatçılarına dərin təşəkkürlərini bildirdilər. Bu an həm mədəniyyətin, həm də insanlıq dəyərlərinin bir araya gəldiyi unudulmaz bir xatirə kimi yadda qaldı.
Belə tədbirlər göstərir ki, mədəniyyət və ədəbiyyat yalnız əsərlərlə yaşanmır; onu qoruyan və inkişaf etdirən insanlar vardır. Cəlilabadda bu işin zirvəsində, ziyalıların, yaradıcı şəxslərin və Rafiq Cəlilov kimi qayğıkeş rəhbərlərin əməyilə mədəniyyətin davamlı inkişafı təmin olunur. Solmaz Məmmədovanın yaradıcılığı və Rafiq Cəlilovun dəstəyi birgə göstərir ki, Cəlilabad həm mədəniyyət, həm də ədəbiyyat sahəsində parlaq bir gələcəyə sahibdir. Rayonun mədəni həyatında belə təşəbbüslərin olması, gələcək nəsillərə milli-mənəvi dəyərlərin qorunub saxlanılması və ədəbiyyatın canlı qalması üçün böyük bir zəmin yaradır.
Bir daha biz bu diqqət və qayğı üçün rayon ziyalıları və ədəbi mühit xanımları adından Cəlilabad Rayon İcra Hakimiyyətinin başçısı, alicənab insan Rafiq Cəlilov müəllimə dərin minnətdarlığımızı bildiririk. Bütün işlərinizdə uğurlar diləyirik!

✍ Sevil Azadqızı,
Azərbaycan dill və ədəbiyyatı müəllimi. Filoloq.