Xəbərlər
4.09.2025, 23:29
ABŞ qoşunlarını yenidən bu ölkəyə qaytarmağı planlaşdırır
"Turaztv.az" "Unikal"-a istinadən xəbər verir ki, bunu ABŞ dövlət katibi Marko Rubio bildirib.
Rubio Ekvadorun xarici işlər naziri Qabriela Sommerfeldlə birgə mətbuat konfransı zamanı deyib: “Biz ABŞ qoşunlarının Ekvadorda uzunmüddətli əsasda, əlbəttə ki, Ekvador hökuməti ilə əməkdaşlıqda yerləşdirilməsinin mümkünlüyü barədə danışdıq”.
Rubio xatırladıb ki, ABŞ-nin əvvəllər Ekvadorda hərbi bazası olub, lakin 2009-cu ildə onlar ovaxtkı prezident Rafael Korreanın (2007-2017) tələbi ilə qoşunlarını geri çəkməyə məcbur olublar.
“Bizi dəvət etsələr, bu ehtimalı nəzərdən keçirəcəyik”, - deyə rəsmi əlavə edib və məsələnin strateji əhəmiyyətini vurğulayıb.
Bundan əlavə, Rubio Ekvadora təhlükəsizliyin gücləndirilməsi, o cümlədən “narkotik ticarəti və cinayətkarlıqla mübarizə” üçün 13,5 milyon dollar ayrıldığını açıqlayıb. ABŞ, həmçinin ölkənin donanmasını gücləndirmək üçün Ekvadora 6 milyon dollar dəyərində pilotsuz uçuş aparatları verməyi planlaşdırır.
Son xəbərlər
Ən çox oxunanlar
- Bu gün
- Bu həftə
- Bu ay
