"Netflix" platformasının istehsalı olan "K-pop: Şeytan ovçuları" (K-pop Demon Hunters) animasiya filmi ABŞ kassalarında liderliyə yüksəlib.

"Unikal" axsam-a istinadən xəbər verir ki, film həftəsonu 18-20 milyon dollar gəlir əldə edib. Bu, "Netflix"in kinoteatrda yayımlanan layihələri arasında ilk belə uğurudur.


Şirkət filmi ABŞ-də 1700 kinoteatrda nümayiş etdirib. Bu rəqəm, daha əvvəl "Netflix"in böyük maraqla qarşılanan "Knives Out: Glass Onion" filminin nümayiş olunduğu ekran sayından iki dəfə çoxdur.

Animasiya filmi xüsusilə uşaq auditoriyası tərəfindən böyük maraqla qarşılanır.

Qeyd edək ki, "Şeytan ovçuları" animasiya filmi 20 iyunda "Netflix"də yayımlanıb. Ekran işində qəhrəmanları koreyalı və koreya-amerikalı aktyorlar və müğənnilər səsləndiriblər.