Xəbərlər
23.08.2025, 22:43
M.Ə.Sabirin Şamaxıdakı-Ev Muzeyində kitab təqdimatı keçirildi - FOTOLAR
21.08.2025-ci il tarixdə M.Ə.Sabirin Şamaxıdakı-Ev Muzeyində
kitab təqdimatı keçirildi.
kitab təqdimatı keçirildi.
Turaztv.az xəbər verir Əsası istedadlı şair, tanınmış ictimai xadim, Qızıl qələm və Azərbaycan Bayrağı Media Mükafatı Laureatı mərhum Solmaz Şirvanlı tərəfindən qoyulmuş “Mən Şirvanın səsiyəm” adlı ədəbi məclisinin üzvləri M.Ə.Sabirin Ev-Muzeyini ziyarət etdilər. Ziyarətçilər muzeyin rəhbərliyi tərəfindən qarşılandı. Qonaqları salamlayaraq, ilk öncə muzeyin ekspozisiya salonları ilə tanış edən muzeyin bələdçisi N.Həsənova, M.Ə.Sabirin həyat və yaradıcılığı haqqında ətraflı məlumat verdi. Daha sonra tədbiri açıq elan edərək sözü kitabın müəllifi, ədəbi məclisin davamçısı Hacı Ələkbər Şirvaniyə verdi. Müəllif, ərsəyə gətirdiyi “Şirvanın səsi “ adlı ədəbi bədii, elmi-publisistik məcmuə kitabı haqqında, həmçinin Azərbaycanın böyük xalq şairi, bədii ictimai fikir tarixində yeni ədəbi məktəbin banisi, M.Ə.Sabir haqqında ürək dolusu çıxış etdi.
Üzvlərin çıxışı ilə davam edən təqdimatda, E.Nəbizadə şairin “Olmasın” qəzəlindən muğam uzərində bir neçə misra ifa etdi.
Yaradıldığı şəraitə görə təşəkkürünü bildirən müəllif, sözügedən kitabını muzeyə hədiyyə etdi.
Həmçinin şair Sona Teymurbəyli-Rəhimli, II-ci Qarabağ savaşında qəhrəmancasına döyüşən, igidlik göstərərək şəhidlik zirvəsinə ucalan Qabil Əbdüləli oğlu Orucəliyevin mübarizələrlə dolu ömür yolundan bəhs edən “Cəsarət ” publilsist-sənədli romanını muzeyə hədiyyə etdi.
Hədiyyələrə görə təşəkkürümüzü bildiririk.
RƏQSANƏ XƏLİLOVA,
Mirzə Ələkbərn Sabirin Şamaxıdakı-Ev Muzeyinin direktoru
Son xəbərlər
Ən çox oxunanlar
- Bu gün
- Bu həftə
- Bu ay
