Mirzə Ələkbər Sabirin vəfatından 114 il keçir

Xəbərlər

14.07.2025, 23:52

Mirzə Ələkbər Sabirin vəfatından 114 il keçir - FOTOLAR

Bu il, bəşər dühasının yaratdığı ümumdünya poeziyasının xəzinəsində fəxri yerlərdən birini tutub əbədiyyətə qovuşan əbədiyaşar şairimiz Mirzə Ələkbər Sabirin vəfatından 114 il keçir.

Bu münasibətlə 12.07.2025- ci il tarixində M.Ə.Sabirin Ev-Muzeyinin və “Söz Muzeyi” ədəbi məclisinin (AYB Şirvan bölməsinin üzvüləri) birgə təşkilatçılığı ilə ədəbi məclisin üzvləri ölməz şairin ev muzeyini ziyarət etdilər. Şairin ev muzeyi ilə tanış olan qonaqlar Sabirin həyat və yaradıcılığından söhbət açdılar və yazarlar M.Ə.Sabirə ithaf etdiyi şeirlərini səsləndirdilər. Q.Adgözəlov və M.Qobustanlı “ Sübhün nəğməsi” və “Əbədi Şirvan” adlı kitablarını , həmçinin M.Qobustanlı tərəfindən illərlə qorunub saxlanılan “Molla Nəsrəddin “ jurnalları muzeyə hədiyyə edildi.
Daha sonra muzeyin əməkdaşları və qonaqlar tərəfindən dahi şairin məzarı ziyarət edildi, məzarı önünə tər çiçək dəstələri qoyuldu.
İştirak etdikləri üçün ,"Söz Muzeyi " ədəbi məclisinin sədri Yusif Nazim Ərəbsoya və qonaqlara təşəkkürümüzü bildiririk.

RƏQSANƏ XƏLİLOVA,
Şamaxı rayon M.Ə.Sabirin ev muzeyinin direktoru