Xəbərlər
23.08.2025, 13:57
HİKMƏT MƏLİKZADƏ : Ölüm də eşq kimi dadısızdı, boş ver - FOTO
Bir qız özün asıb hardasa, xəlvət,
Çətin içimdəki yara soyusun...
Bu qətlin hələ də günahkarı yox,
İndi kimi tutaq, ara soyusun?
Əzab baramatək böyüyür içdə,
Sevgi küçələri adsızdı, boş ver.
Həyat qurd-quş ilə doludur hələ,
Ölüm də eşq kimi dadısızdı, boş ver.
Mey dəli eləyib çoxunu, dəli,
Beyin pozulanda camlar qırılır.
Hansı qapıda ki, elçi daşı var,
Orada birinci damlar qırılır...
***
Öldüm, sonra gördüm adamlar gülür,
...Bu, necə ağlamaq, necə ölməkdir?
Eh, mənim əzabım cəhənnəm odu,
Bir də ki, şər vaxtı – gecə ölməkdir.
Hər gözün içində bir bəhanə var,
Eşqin əppək qədər dadı yox, adam.
Sevgi qayığımı külək aparıb,
Daha gül almağın adı yox, adam.
Sevda şamlarıdı gözlər, işə bax...
Sevmək vaxtın deyil, özünü yorma.
Elçi daşlarında yosun çoxalıb,
Sən də bu gecəlik gözünü yorma.
Bizi ayıltmadı özgə baxışlar,
Kimsə o yuxunu yozub deyirlər.
Şər vaxtı sahilə bir söz yazmışdıq,
Bir qız da acığa pozub deyirlər.
Yetib son gecəmiz, əmin ol, vaxtdı,
Nə vaxtsa qoynunda külüm tapılar.
...Nə səni mənimtək sevən bir dəli,
Nə mənə sənintək zülüm tapılar.
Çətin içimdəki yara soyusun...
Bu qətlin hələ də günahkarı yox,
İndi kimi tutaq, ara soyusun?
Əzab baramatək böyüyür içdə,
Sevgi küçələri adsızdı, boş ver.
Həyat qurd-quş ilə doludur hələ,
Ölüm də eşq kimi dadısızdı, boş ver.
Mey dəli eləyib çoxunu, dəli,
Beyin pozulanda camlar qırılır.
Hansı qapıda ki, elçi daşı var,
Orada birinci damlar qırılır...
***
Öldüm, sonra gördüm adamlar gülür,
...Bu, necə ağlamaq, necə ölməkdir?
Eh, mənim əzabım cəhənnəm odu,
Bir də ki, şər vaxtı – gecə ölməkdir.
Hər gözün içində bir bəhanə var,
Eşqin əppək qədər dadı yox, adam.
Sevgi qayığımı külək aparıb,
Daha gül almağın adı yox, adam.
Sevda şamlarıdı gözlər, işə bax...
Sevmək vaxtın deyil, özünü yorma.
Elçi daşlarında yosun çoxalıb,
Sən də bu gecəlik gözünü yorma.
Bizi ayıltmadı özgə baxışlar,
Kimsə o yuxunu yozub deyirlər.
Şər vaxtı sahilə bir söz yazmışdıq,
Bir qız da acığa pozub deyirlər.
Yetib son gecəmiz, əmin ol, vaxtdı,
Nə vaxtsa qoynunda külüm tapılar.
...Nə səni mənimtək sevən bir dəli,
Nə mənə sənintək zülüm tapılar.
Son xəbərlər
Ən çox oxunanlar
- Bu gün
- Bu həftə
- Bu ay
