İrlandiyanın Məlumatların Mühafizəsi Komissiyası TikTok sosial media platformasının sahibi olan Çinin “ByteDance” şirkətini avropalı istifadəçilərin məlumatlarını qanunsuz olaraq Çinə ötürdüyünə görə 530 milyon avro cərimələyib.

“Qafqazinfo” xarici KİV-ə istinadən xəbər verir ki, Komissiya həmçinin, “ByteDance”ə pozuntuları düzəltmək üçün altı ay vaxt verib.

Komissiyanın bildirdiyinə görə, şirkət TikTok-un avropalı istifadəçiləri haqqında məlumatları Çin hakimiyyətinin əldə edə biləcəyi serverlərdə saxlayıb.

Bu, avropalılar haqqında məlumatların digər ölkələrin hakimiyyət orqanlarına ötürülməsini qadağan edən Avropa İttifaqının mövcud qaydalarının pozulmasıdır.