London bir neçə gün öncə ABŞ lideri Donald Trampla Oval Ofisdə gərgin anlar yaşayan Ukrayna Prezidenti Volodimir Zelenskiyə dəstəyi artırmaq üçün Avropa liderlərinin sammitinə ev sahibliyi edir.

"Turaztv.az" “Qafqazinfo”-ya istinadən xəbər verir ki, bu barədə AP məlumat ayıb.

Birləşmiş Krallığın Baş naziri Kir Starmerin təşkil etdiyi toplantıda 18 ölkə və birliklərin nümayəndələri iştirak edir.

Sammitə Almaniya, Danimarka, İspaniya, İtaliya, Kanada, Niderland, Norveç, Polşa, Rumıniya, Finlandiya, Fransa, Çexiya, İsveç liderləri, habelə Avropa Komissiyasının Prezidenti Ursula fon der Lyayen, Avropa Şurasının sədri Antoniu Koşta, NATO-nun Baş katibi Mark Rütte və Ukrayna Prezidenti Volodimir Zelenski qatılıb. Türkiyəni görüşdə xarici işlər naziri Hakan Fidan təmsil edir.

Toplantıda müzakirələrin əsas mövzusu Ukraynanın mövqeyinin gücləndirilməsi, o cümlədən Kiyevə hərbi təchizat və Rusiyaya iqtisadi təzyiqlərin artırılması olacaq.