Türkiyənin məşhur müğənnisi İzzet Yıldızhan 10-cu dəfə ata olmaq istəyir.

“Qafqazinfo” Türkiyə mətbuatına istinadən xəbər verir ki, üç fərqli qadından yeddi oğlu və iki qızı olan məşhur müğənni 13 uşaq atası - ABŞ-nin Dövlət İdarəetməsinin Səmərəliliyi Departamentinin (DOGE) rəhbəri İlon Maskla rəqabətə girdiyini deyib.

Sənətçi bu barədə həyat yoldaşı Ajda Yıldızhanla alış-veriş zamanı görüntülənərkən danışıb:

“Maskı təbrik edirəm. Bu sahədə məni üstələyib. Uşaqları çox sevirəm. Türkiyədəki məşhurlar arasında 9 uşağı olan tək mənəm. Ona çata biləcəyimi düşünürdüm, amma Maskda uşaq sayı 13 olub. Bir müddət əvvəl Seda Sayan mənə zəng etdi və “davam et” dedi. Mən də “xanım istəsə, olar” dedim. Düşünürəm ki, 11-ci uşağa qədər gedə bilərik”.

“Hazırda beş övladımız var. Beş uşaq dünyaya gətirən altıncını, yeddincini də dünyaya gətirər. Uşaqlar bizdən daha çox bacı-qardaş istəyir. Dörd oğlan, bir qızım var. Qızım “oğlan olsun”, deyərək evin tək qızı olmaq istəyir”, - İ.Yıldızhanın xanımı əlavə edib.