İraq hökuməti koronavirusun yayılması ilə mübarizə tədbirləri çərçivəsində paytaxtda komendant saatı tətbiq edib, eləcə də Bağdadan və geriyə olan uçuşları dayandırıb.
“Alsumaria” televiziya kanalı xəbər verir ki, belə bir qərar bazar günü Baş Nazir vəzifələrinin icraçısı Adel Abdul Mehdinin rəhbərliyi altında xəstəliyə qarşı mübarizə çərçivəsində böhran qərargahının iclasında qəbul edilib.

Telekanal bildirib ki, yerli vaxtla saat 23:00-dan martın 17-də saat 23:00-dək insanların və nəqliyyat vasitələrinin hərəkətində məhdudiyyətlər tətbiq ediləcək. Bu tədbirlər hüquq-mühafizə orqanları və KİV nümayəndələrinə, həkimlərə, diplomatlara və lazımi malların, yeməklərin çatdırılması ilə məşğul olan təşkilatlara şamil edilmir. Eyni zamanda, nazirliklərin və dövlət qurumlarının, habelə əyalətlərlə nəqliyyat əlaqələrinin işi dayandırılır. Digər bölgələrdəki rəsmilərə də oxşar tədbirlər tətbiq etmək barədə səlahiyyətlər verilib.(apa)