Xəbərlər / Nesr
7.04.2024, 19:43
Masallı şəhərində şəhidin anım mərasimi keçirilib - FOTOLAR
Turaztv.az təqdim edir:
Bu gün, 7 aprel 2024-cü il tarixdə Masallı şəhərində I Qarabağ müharibəsində şəhid olmuş qəhrəman oğul Rafiq Əlihəsənovun anım mərasimi keçirilib.
Anım mərasimində Masallı Rayon İcra Hakimiyyəti başçısının Masallı şəhər üzrə nümayəndəliyinin məsul işçisi Vurğun Əhmədov, Masallı şəhər Ağsaqqallar Şurasının sədri Fəxrəddin Talıbzadə, QMİ-nin səlahiyyətli nümayəndəsi Hacı Məftun Hüseynov, Əməkdar müəllim, “Tərəqqi” və “Vətən naminə” medallı Mirqabil Hüseynov, “Yeni həyat” ictimai-siyasi qəzetinin və eyni adlı saytın Baş redaktoru Əilihüseyn Şükürov və şəhidin ailə üzvləri iştirak ediblər.
Anım mərasimində Vətən müharibəsində Azərbaycan oğullarının şücaətindən, yağı düşmənin torpaqlarımızdan qovulub çıxarılması yolunda canlarını fəda etmiş şəhidlərin igidliyindən danışılıb, ruhlarına dualar oxunub.Həmin gün şəhid Rafiq Əlihəsənovun məzarı üzərinə təzə qərənfillər düzülüb.Rafiq Vəliəhəd oğlu Əlihəsənov 1969-cu ildə anadan olmuşdur.1986-cı ildə Masallı şəhər 1 nömrəli orta məktəbini bitirmişdir.
1992-ci ildə Qarabağda gedən döyüşlərdə şəhid olmuşdur. Təhsil aldığı Masallı şəhər 1 nömrəli orta məktəbinə adı verilmişdir.Anım mərasimində iştirak edənlər şəhid yaxınları ilə söhbət ediblər, qayğıları ilə maraqlanıblar.
Həmin gün həmçinin mərasim iştirakçıları şəhid Rafiq Əlihəsənovun uyuduğu Masallı şəhər Dadva qəbiristanında 44 günlük Vətən müharibəsi şəhidi Niyaməddin Sultanzadənin də məzarını ziyarət etməklə ruhuna dualar oxuyub, məzarı üzərinə təzə qərənfillər düzüblər.
Azərbaycan Silahlı Qüvvələrinin əsgəri, Vətən müharibəsinin şəhidi Niyaməddin Hüsaməddin oğlu Sultanzadə 10 sentyabr 1998-ci ildə Masallı şəhərində anadan olub. 2005-ci ildə şəhər 1 nömrəli tam orta məktəbində təhsil almağa başlamış, 2016-cı ildə həmin məktəbi bitirib. Azərbaycan Dövlət Aqrar Universitetinin aqronomluq fakültəsinin qiyabi 2-ci kurs tələbəsi olub. 10 oktyabr 2018-ci il tarixindən bəri 3 saylı Regional Su Kanal İdarəsinin Masallı su kanal sahəsində xlorator su təmizləyici qurğularının operator peşəsi üzrə çalışıb.
Niyaməddin Sultanzadə 2016-2017-ci illərdə hərbi xidmətdə olub. O, Azərbaycan Respublikasının ərazi bütövlüyü uğrunda 27 sentyabr 2020-ci il tarixdən başlayan Vətən müharibəsində könüllü olaraq qoşulmuş, Cəbrayıl və Füzuli rayonlarında düşmən hücumunun qarşısının alınmasında şücaət göstərmiş, 22 noyabr 2020-ci il tarixində Qubadlı rayonu istiqamətində düşmənin atdığı artileriya mərmisinin partlaması nəticəsində şəhid olub.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Niyaməddin Sultanzadə ölümündən sonra "Vətən uğrunda" medalı ilə təltif edilmişdir.
Bundan başqa "Cəsur döyüşçü", Cəbrayılın və Qubadlının azad olunmasına görə medalları ilə də təltif edilib.
Əlihüseyn ŞÜKÜROV,
Masallıda çıxan «Yeni həyat» ictimai-siyasi
qəzetinin və eyni adlı saytın Baş redaktoru.
Son xəbərlər
Ən çox oxunanlar
- Bu gün
- Bu həftə
- Bu ay
