Ötən il ərzində Baş Prokurorluqdan Konstitusiya Məhkəməsinə 6 sorğu və 8 rəy verilib.

Turaztv.az AZƏRTAC-a istinadən xəbər verir ki, bu barədə Baş Prokurorluqda keçirilmiş əməliyyat müşavirəsində məlumat verilib.

Müşavirədə 2023-cü ildə normayaratma təşəbbüsü ilə bağlı fəaliyyətə toxunan Baş prokuror Kamran Əliyev Baş Prokurorluq tərəfindən 28 normativ hüquqi akt layihəsi hazırlanaraq göndərildiyini bildirib. Ötən il ərzində Baş Prokurorluqdan Konstitusiya Məhkəməsinə 6 sorğu və 8 rəy verildiyini, Baş Prokurorluq tərəfindən hazırlanmış qiyabi məhkumetmə ilə bağlı Cinayət-Prosessual Məcəlləsində dəyişiklik edilməsi barədə qanun layihəsinin Milli Məclis tərəfindən qəbul edildiyini diqqətə çatdırıb.