Xalq artisti Zeynəb Xanlarovanın növbədənkənar parlament seçkilərinə qatılıb-qatılmaması müəmma olaraq qalır.

Xalq artistinin seçkilərə 50 saylı Abşeron-Qobustan seçki dairəsindən qatılacağı bildirilsə də, nə özü, nə də yaxın çevrəsinə daxil olan şəxslər bu barədə fikir bildirib.

50 saylı Abşeron-Qobustan seçki dairəsindən isə Yenisabah.az-a bildirilib ki, Zeynəb Xanlarovanın sənədləri dairəyə daxil olmayıb. "Belə bir şey yoxdur. Mətbuatdı da yazır, onlar çox şey yazırlar”, - Dairə Seçki Komissiyasından (DSK) bildirilib.

Zeynəb Xanlarova 1995-ci ildən deputatdır. O, həm də Azərbaycan SSR Ali Sovetin XI və XII çağırış deputatı olub.