Türkiyədə seçki qutularının 61,99 faizinin açılmasından sonra “Cümhur İttifaqı”nın namizədi, hazırkı prezident Rəcəb Tayyib Ərdoğan 51,64 faiz, “Millət İttifaqı”nın namizədi Kamal Kılıçdaroğlu 42,53 faiz, ATA İttifaqının namizədi Sinan Oğan 5,32 faiz, Məmləkət Partiyasının sədri Muharrem İncə 0,51 faiz (seçkilərə üç gün qalmış namizədliyini geri götürüb – red.) səs qazanıb.

AZƏRTAC bu barədə TRT-yə istinadla xəbər verir ki, parlament seçkilərində ilkin nəticələrə görə, “Cümhur İttifaqı” 54,21 faiz, “Millət İttifaqı” 31,82 faiz, "Əmək və Azadlıq İttifaqı" 8,68 faiz, “Ata İttifaqı” 1,48 faiz, “Sosialist Güc Birliyi” 0,19 səs toplayıb.

Qeyd edək ki, prezident seçkilərinin ilk turunda namizədlərin heç biri 50 faizdən çox səs toplaya bilməsə, mayın 28-də səsvermənin ikinci turu keçiriləcək.

Həmçinin Türkiyə Böyük Millət Məclisinə 87 seçki dairəsində 600 millət vəkili seçiləcək. Seçkilərdə 24 partiya və 151 müstəqil namizəd iştirak edib.

20:37

Türkiyədə səsvermə bülletenlərinin 29,16 faizinin sayılmasından sonra “Cümhur İttifaqı”nın namizədi, hazırkı prezident Rəcəb Tayyib Ərdoğan 53,62 faiz, “Millət İttifaqı”nın namizədi Kamal Kılıçdaroğlu 40,42 faiz, ATA İttifaqının namizədi Sinan Oğan 5,40 faiz, Məmləkət Partiyasının sədri Muharrem İncə 0,56 faiz (seçkilərə üç gün qalmış namizədliyini geri götürüb – red.) səs qazanıb.

Parlament seçkilərində ilkin nəticələrə görə, “Cümhur İttifaqı” 61,71 faiz, “Millət İttifaqı” 25,61 faiz, "Əmək və Azadlıq İttifaqı" 8,11 faiz, “Ata İttifaqı” 0,97 faiz, “Sosialist Güc Birliyi” 0,15 səs toplayıb.

AZƏRTAC TRT-yə istinadla xəbər verir ki, seçki qutularının 31,49 faizi açılıb. Bülletenlərin sayılması prosesi davam edir.

Qeyd edək ki, prezident seçkilərinin ilk turunda namizədlərin heç biri 50 faizdən çox səs toplaya bilməsə, mayın 28-də səsvermənin ikinci turu keçiriləcək.

Həmçinin Türkiyə Böyük Millət Məclisinə 87 seçki dairəsində 600 millət vəkili seçiləcək. Seçkilərdə 24 partiya və 151 müstəqil namizəd iştirak edib.

19:53

Türkiyə Yüksək Seçim Qurumu seçkilərin ilkin nəticələrinin yayımlanması ilə bağlı qadağanı aradan qaldırdıqdan sonra səsvermənin nəticələri açıqlanmağa başlayıb.

AZƏRTAC Anadolu Agentliyinə istinadla xəbər verir ki, ilkin nəticələr belədir: Rəcəb Tayyib Ərdoğan 57,46 faiz, Kemal Kılıçdaroğlu 36,66, Sinan Oğan 5,28, Muharrəm İncə 0,6 faiz səs.

İndiyədək seçki qutularının 12,83 faizi açılıb. Səslərin sayılması prosesi davam edir.

Qeyd edək ki, prezident seçkilərinin ilk turunda namizədlərin heç biri 50 faizdən çox səs toplaya bilməsə, mayın 28-də səsvermənin ikinci turu keçiriləcək.

Həmçinin Türkiyə Böyük Millət Məclisinə 87 seçki dairəsində 600 millət vəkili seçiləcək. Seçkilərdə 24 partiya və 151 müstəqil namizəd iştirak edib.