Ermənilər hər zaman Azərbaycana qarşı torpaq iddiasında olublar, nifrətlə yaşayıblar. Sumqayıt hadisələrindən əvvəl şəhərdə yaşayan ermənilər tərəfindən Xankəndidə "Krunq" təşkilatı yaradılmışdı. Sumqayıtda yaşayan ermənilərin bir çoxu bu təşkilata pul yatırırdı.

Turaztv.az AZƏRTAC-a istinadən xəbər verir ki, bu fikirləri Azərbaycan təhlükəsizlik orqanlarının veteranı Azər Qarayev İTV-nin efirində yayımlanan "Diqqət mərkəzi" verilişində səsləndirib.

"Həmin dövrdə ermənilərin evləri qarət edilən zaman eyni binada olan şəxslərin, "Krunq" təşkilatına pul köçürənlərin evindən oğurluq edilməmişdi. Çox maraqlıdır ki, təşkilata pul köçürməyən ermənilərin evləri qarət olunmuşdu”,- deyə Azər Qarayev vurğulayıb.

O qeyd edib ki, Sumqayıt hadisələrinin araşdırılması SSRİ prokurorluğuna tapşırılmışdı. Qrupun rəhbəri isə Vladimir Qalkin idi. Amma həmin hadisələrin araşdırması üçün bir nəfər də azərbaycanlı mütəxəssis cəlb olunmadı. Çünki yazılmış ssenari idi, istədikləri məqamları araşdırmalı idilər, digərləri isə onlar üçün maraqlı deyildi.