Bakının Pirallahı rayonunda bıçaqlanma hadisəsi baş verib.
Turaztv.az xəbər verir ki, Pirallahıda yerləşən restoranların birində qeydə alınan hadisədə 1989-cu il təvəllüdlü Bernardo Xose Pabloviç və paytaxt sakini, 1988-ci il təvəllüdlü Rafael Hüseynov bıçaq xəsarətləri alıb. Onlar tanıdıqları şəxslər tərəfindən bıçaqlanıblar.

Yaralılar 3 saylı Şəhər Klinik Xəstəxanasına yerləşdirilib.

Bildirilib ki, xəstəxanaya sağ saidin kəsilmiş-deşilmiş yarası diaqnozu ilə gətirilən Bernardo cərrahi əməliyyt olunduqdan sonra ambulator müalicə üçün xəstəxanadan evə buraxılıb.

R.Hüseynova isə çoxsaylı bıçaq xəsarətləri yetirilib və hazırda vəziyyəti ağır olduğundan 3 saylı Şəhər Klinik Xəstəxanasının Cərrahiyyə şöbəsində müalicəsini davam etdirir. Hər iki yaralının eyni hadisə zamanı bıçaqlandığı bildirilir.

Qeyd edək ki, Azərbaycan vətəndaşı olan Xose Bernardo uzun müddət televiziya proqramlarında, şou-proqramlarında aparıcılıq edib. Hadisənin hansı şəraitdə baş verdiyi isə hələlik məlum deyil.(apa)