Var belə insanlar...FOTO

Xəbərlər

20.12.2022, 19:44

Var belə insanlar...FOTO

Var belə insanlar...

Şamaxı Astrofizika Rəsədxanasının keçmiş aparıcı elmi işçisi dəyərli alim,sədaqətli dost,ləyaqətli insan,əzizimiz Musa Sədri oğlu Hacıyevin əziz xatirəsinə ithaf edirəm.

Var belə insanlar, atam balası,
Elə bil içində magma qaynayır!
Amma ki, çox sakit üzü, çöhrəsi,
Sanki səbri ilə dərd buxovlayır!

Şərəfli bir ömür yaşayan insan,
İnsanlar içində seçilən insan,
Elm fədaisi o alim insan,
İndi ürəklərdə yer nişanlayır!

Ulduzlar aləmi,sonsuz kainat,
Həmişə dilinin əzbəri idi!
ŞAR-da işlədiyin iri teleskop,
Sənin tədqiqlərinə artıq ram idi!

Gecələr sübhədək gördüyün işlər,
Astrofizika üçün yeniliklərdi!
Sənin iz qoyduğun o elmi işlər,
Gələcək nəsilçün bir nişanədi!

Wotsapp-la danışıb görüntü ilə,
Hal-əhvalın sordum bircə gün qabaq.
"Allaha çox şükür"deyib səbrlə,
Məni dəvət etdin evinə qonaq!

Sənin ölümün də qəfildən oldu,
Allahın sevimli alim insanı!
Qışın soyuq günü sanki yaz oldu,
Üstünə gün saldı peyğəmbər adı!

Var belə insanlar, atam balası,
Elə bil içində magma qaynıyır!
Amma ki,çox sakit üzü, çöhrəsi,
Sanki səbr ilə dərd buxovlayır!

Cümşüd Aydəmir,
Xudat 20.12.22