N.Tusi adına Şamaxı Astrofizika Rəsədxanasının gənc alimləri Bakı şəhərində yerləşən orta ümumtəhsil məktəblərində silsilə elmi-populyar seminarlar keçiriblər.

Bu barədə AZƏRTAC-a rəsədxanadan məlumat verilib. Bildirilib ki, S.Bəhlulzadə adına Xarici Dillər Təmayüllü Gimnaziya, A.Hüseynzadə adına 20 nömrəli məktəb-lisey, N.Tusi adına 173 nömrəli tam orta məktəb, A.Rəhimov adına 247 nömrəli tam orta məktəb və S.Rüstəm adına Xarici Dillər Təmayüllü Gimnaziyada təşkil edilən seminarlarda kosmik tədqiqatların inkişaf yolu və perspektiv araşdırmalar haqqında geniş məruzələr söylənilib, iştirakçıları maraqlandıran mövzular ətrafında geniş müzakirələr aparılıb.