Uşaq şeirləri - Səbahət Lənkəranlı

Xəbərlər

11.02.2022, 20:46

Uşaq şeirləri - Səbahət Lənkəranlı

ƏLİ
Bağçaya gəldi , Əli
Çiçək gətirdi , " Nərgiz "
Söylədi : - Ay müəllimə ,
Bizə əzizsən , əziz !

Vardır həyətimizdə ,
Anam əkmiş gülləri.
Gəlin təşəkkür deyək :
-Sağ ol , ana əlləri .

Bizləri əzizləyir,
Övlad sanır , sevirsən.
Çəkirsən nazımızı ,
" Balalarım " deyirsən.

Nənəm etmişdir dua:
- Qoy Səbahət var olsun.
Allah versin mükafat,
Qəlbi sevinclə dolsun.
09.02.2022

HÜSEYNƏ
Hüseyn yaman dəcəldir,
Qulaq asmır o sözə.
Anası gileylənir,
Bilmirəm, daha dözə.

Ay müəllimə , noolar ,
Hüseynə cəza verin.
Uşaqlara söyləyin
" Ar olsun " ona deyin.

Fala yumurtaları
Sındırıbdır ta hində.
Deyir dostum söylədi,
Edir uşaqlar Çində.

Qırıbdır pəncərəni ,
Atıbdır qara daşı.
Daş keçibdir mətbəxə,
Aşırıb qazan, aşı.

Hüseynimin əlindən
Qaçım Bakı, Şəkiyə ?
Oğlumun pis vərdişi
Gəlməz ölçü, çəkiyə
08.02.2022

ƏSMANURA
Görün Əsma nə deyir ,
Vardır oyuncaq " ayı" m
Yedizdirirəm onu ,
Alıbdır mənə dayım.

Atam da alıb çoxlu ,
Gəlinciklər, maşınlar.
Maşın oğlanlar sevir
Satıcılar çaşıblar.

Anam gəlinciyimə,
Hazırlayır qonaqlıq.
Xəyalıma bir fikir
Gəlir elə bir anlıq.

Deyirəm ki , Hafisə
Alaq biz gəlinciyə .
Tacla, al qırmızı don
Bənzəsin o inciyə.

İki bacı gülüşdük ,
Razılaşdıq fikirlə
Anamın gözəl gözü,
Demə bizə dikilə.

Atam, anam, mən, bacım,
Yollandıq biz dükana.
Gəlinciyə don aldıq,
Çox sağ ol , əziz ana.
09.02.2022

Şiriyev Yusifə.
Aldı oyuncaq bir saz,
Diqqətlə baxdı ona
Yusif çevrildi, dedi :
"Şair olaram, ana "

Yazaram ilk şeirimi,
Öz sevimli anama.
Təbim gələr coşaram,
Həsr edərəm atama.

Mən şeir çələnginə ,
Düzərəm inci , sözlər.
Hey oxuyar qardaşım,
Nura qərq olar gözlər.

Müəllimlərimi də
Vəsf edərəm misramda.
Səbahətin qəlbinin
Şəklin çəkərəm orda.

Söyləyərək şeirimi,
Mən çalaram sazımı.
Görən anam nə deyir?!
O Yusifdən razımı?!
08.02.2022

BANU
Xırdaca , ağ əlinə ,
Fırçanı aldı, Banu.
Çəkdi sevinclə tablo,
Görəydiniz siz , onu .

Baxdı şəkilə, dedi :
" Biləsiniz, deyirəm,
Əzizdir müəlliməm,
Ana sanır, sevirəm ".

Gəlirəm mən bağçaya,
Atamla gülə-gülə.
Vuruldum Səbahətdə ,
Bal dodaq, şirin dilə.

Sanıram göydən gəlib,
Bir hüridir, mələkdir.
Mənim gözəl müəlliməm,
Bizə lazım, gərəkdir.

Neçə - neçə körpələr,
Ötürübdür , məktəbə .
Hər biri əlaçıdır,
Yetişibdir mətləbə.

Öyünsün, fərəhlənsin,
Qoy ürəyi dağ olsun.
Uzun illər yaşasın,
Qara saçı ağ olsun.

Səbahət Lənkəranlı.
07.02.2022