Nyu-York meri Zöhran Mamdani İsrail Baş naziri Binyamin Netanyahunun Beynəlxalq Cinayət Məhkəməsinin (BCM) orderi əsasında həbsinin qanuniliyi ilə bağlı vəkillərlə məsləhətləşdiyini açıqlayıb.

"Unikal" xəbər verir ki, Zöhran Mamdani Yəhudi dövlətinin başçısının Nyu-Yorka gələcəyi təqdirdə onun həbsini müzakirə etdiklərini bildirib.

"Mən inanıram ki, Baş nazir Netanyahu Haaqadadır, o, Beynəlxalq Cinayət Məhkəməsinin ona qarşı ittiham irəli sürdüyü müharibə cinayətkarıdır", - deyə Mamdani qeyd edib.

O, sentyabr ayında BMT Baş Assambleyasının Yüksək Səviyyəli Həftəsinə qatılacağı təqdirdə Netanyahunun həbs olunma ehtimalı ilə bağlı suala cavab verərkən bildirib: "Bələdiyyəmizdə hansı variantların mövcud olduğu barədə hüquq şöbəmizlə fəal müzakirələr aparılır".

2024-cü ilin noyabr ayında Beynəlxalq Cinayət Məhkəməsi Netanyahu və keçmiş müdafiə naziri Yoav Qalant üçün Qəzza zolağındakı münaqişə ilə əlaqədar müharibə cinayətləri və insanlığa qarşı cinayətlər ittihamları ilə həbs qərarı çıxarmışdı.