Xəbərlər
27.05.2026, 01:24
TUBU İMANOVA : Bilən olmadı..... - FOTO
Bilmədim payızım, qışım nə oldu.
Könlümü almayan kimsə olmadı,
Heç mənim qədrimi bilən olmadı.
Gecələr dərdimi ulduza dedim,
Səssiz küçələrdə özümlə getdim.
Bir ümid axtardım, tapa bilmədim,
Sevginin yolunu görən olmadı.
Qəlbimdə susmayan min ahım qaldı,
Hər keçən gün məndən bir parça aldı.
Dost bildiklərim də yad kimi oldu,
Bu yaralı könlü duyan olmadı.
Bir zaman gülüşüm bahara bənzər,
İndi hər sevincim dumanla gəzər.
Qırılan ümidlər geri dönməzlər,
Gedənin yerini dolan olmadı.
Yoruldum insanın dəyişən üzündən,
Bir az sevgi umdum soyuq sözündən.
Sən demə dünyada bu qədər kədər,
Bir könül içində solan olmadı.
İndi tək başıma susuram yenə,
Dərdimi gizlədir gecələr mənə.
Bir gün anlayarlar bəlkə də məni,
Vaxtında qədrimi bilən olmadı.
ıBir gün yollar məni unutduracaq,
Səssiz xatirələr külə dönəcək.
Bu qırıq qəlbim də rahat olacaq
Dərdimin səsini duyan olacaq.
İndi son sözümü küləyə verdim,
Susaraq içimdə min dünya sildim.
Sevdim bu həyatı, sevilməsəm də,
Bəlkə bir gün məni anlayan olar
Son xəbərlər
Ən çox oxunanlar
- Bu gün
- Bu həftə
- Bu ay
