Şəhid mayor Natiq İsmayılovun xatirəsinə həsr olunmuş kitabın təqdimatı keçirildi

Bu gün Qəbələ Dövlət Peşə Təhsil Mərkəzində şəhid mayor Natiq İsmayılovun mövlud günü münasibətilə onun əziz xatirəsinə həsr olunmuş “Əzəli, Əbədi Azərbaycanım” adlı kitabın təqdimat mərasimi keçirildi. Kitab tanınmış yazar Şahənə Müşfiq tərəfindən qələmə alınaraq qəhrəman şəhidimizin həyat və döyüş yoluna ithaf olunub.

Tədbirdə Qəbələ Peşə Təhsil Mərkəzinin direktor müavini Reyhan Çələbi, müəllim kollektivi, təhsil alan gənclər, şəhid ailələri, Bunuda kənd məktəb direktoru vəuəllimlər ,şəhidi həyat yoldaşı, övladları , ailə üzvləri,yazarlar, ictimaiyyət nümayəndələri, qeyri-hökumət təşkilatlarının təmsilçiləri və Qəbələ TV media nümayəndələri iştirak ediblər.

Əvvəlcə Azərbaycan respublikasının dövlət himni səsləndirilmiş, şəhidlərimizin xatirəsi bir dəqiqəlik sükutla yad edilmişdir.
Sonra şəhidin ömür yolundan video çarxlar nümayiş olunmalıdır.

Çıxış edənlər şəhid mayor Natiq İsmayılovun Vətən uğrunda göstərdiyi qəhrəmanlıqdan danışaraq onun həyat yolunun gənclər üçün əsl vətənpərvərlik nümunəsi olduğunu vurğulayıblar. Bildirilib ki, belə kitablar şəhidlərimizin xatirəsini yaşatmaqla yanaşı, gənc nəslin vətənpərvərlik ruhunda tərbiyəsinə də böyük töhfə verir.

Tədbirin sonunda iştirakçılar şəhidimizin xatirəsini ehtiramla yad edib, onun keçdiyi şərəfli döyüş yolunun Azərbaycan tarixində daim yaşayacağını qeyd ediblər.
Allah rəhmət eləsin şəhidlərimizə

Təranə Alməmmədova
Dünya Azərbaycanlılarının Mədəniyyət İB Qəbələ rayon nümayəndəliyinin rəhbəri