Məşhurları hədəf alan narkotik istintaqı çərçivəsində saxlanılan və narkotik testi müsbət çıxan Şeyma Subaşı sosial media paylaşımları ilə diqqət çəkib.

"Turaztv.az" "Unikal"-a istinadən xəbər verir ki, haqqında həbs qərarı çıxarıldıqdan sonra Quran ayələri ilə bağlı paylaşımlar edən Subaşı müzakirə mövzusuna çevrilib.

Bunun fonunda o, 10 yaşından bəri namaz qıldığını və Quran oxuduğunu da bildirib. Subaşıdan "Hansı peyğəmbəri ən çox sevirsən?" deyə soruşulduqda , o, "Mən ən çox Məhəmməd peyğəmbəri sevirəm. Çünki onun şəfqəti və böyük səbri var", - deyib.