1 fevral 1999-cu ildə 56 yaşında ürək tutmasından vəfat edən Barış Manço yaşasaydı bu gün 83 yaşında olacaqdı.

"Turaztv.az" “Qafqazinfo”-ya istinadən xəbər verir ki, Barış Manço müsahibələrindən birində qocalığı ilə bağlı açıqlama vermişdi.

“Bir neçə arzum var. 80 yaşımda, əlimdə əsamla, bəlkə də yanımda Doğukanla... Onun köməyi ilə səhnəyə çıxıb simfonik orkestrın “2023” əsərimi ifa etməsini təmin edəcəyəm, bu, mənim ən böyük ideallarımdan biri olardı”, - deyə o qeyd etmişdi.

Belə ki, Barış Mançonun ən böyük arzularından biri 2023-cü ildə, Cümhuriyyətin 100-cü ildönümündə səhnədə böyük bir simfonik orkestr ilə öz bəstəsi olan “2023”ü ifa etmək idi. Bu yerinə yetirilməmiş arzunu vəsiyyət kimi qəbul edən Manço ailəsi bu vəsiyyəti həyata keçirmək üçün hərtərəfli hazırlıq prosesinə başladı.

Hazırlanmış layihəyə görə, Barış Manço artıq fiziki olaraq mövcud olmasa da, texnologiya sayəsində səhnədə olacaqdı. Manço nəhəng simfonik orkestrın müşayiəti ilə səhnəyə holoqram kimi proyeksiya ediləcək, “2023” və digər əsərlərini ifa edəcəkdi. Səhnədə təkcə Barış Manço deyil, həm də oğulları Doğukan və Batıkan Manço da olacaqdı. Doğukan Manço tamaşa zamanı atasını pianoda müşayiət edəcəkdi.

Təəssüf ki, bu nəhəng istehsal yüksək xərclər səbəbindən həyata keçirilə bilmədi.