“Oskar” mükafatlı İngiltərəli aktrisa Keyt Vinslet “Titanik” filmindəki məşhur səhnədə çəkildiyinə görə peşman olduğunu açıqlayıb.

“Qafqazinfo” xarici mətbuata istinadən xəbər verir ki, aktrisa Ceyms Kemeronun 1997-ci ildə ekranlaşdırdığı əfsanəvi “Titanik” filmindəki məşhur çılpaqlıq səhnəsini illər sonra peşmanlıqla xatırladığını bildirib.

49 yaşlı sənətçi həmin səhnə barədə “Kaş ki, bədənimi bu qədər göstərməsəydim” deyərək, gənc yaşda karyerasını sübut etmək istəyinin onu bu nöqtəyə gətirdiyini etiraf edib.

Vinslet o dövrdə bu qərarın doğru seçim kimi göründüyünü, amma illər sonra həmin səhnəni o qədər də müsbət xatırlamadığını vurğulayıb.

Aktrisa, film səhnəsi ilə bağlı imza istəyən pərəstişkarlarının israrından da hələ də narahatlıq duyduğunu söyləyib.

Qeyd edək ki, “Titanik” 28 il əvvəl - 1997-ci il noyabrın 18-də ilk dəfə ekran üzü görüb. Leonardo “Cek Douson”, Vinslet isə “Roza Dyuitt Byukeyter” obrazı ilə yaddaşlara həkk olunub. Onlar daha sonra 2008-ci ildə “İnqilab yolu” filmində yenidən birgə rol alıblar.