Aprelin 1-dən etibarən Böyük Britaniyada kral ailəsindən ayrılan Meqan Markl və əri şahzadə Harri Hollivuda köçüblər.

Bu barədə “HaberGlobal” Britaniya mediasına istinadla məlumat verib.

Şahzadə Harri ilə evləndikdən sonra aktrisa karyerasını başa vuran Meqan Markl bir müddət əvvəl xeyriyyəçiliyi ilə tanınan Ancelina Colinin yolu ilə getmək istədiyini bildirmişdi. KİV-də yayılan məlumata görə, Ancelina Coli də Meqan Marklla bir yerdə işləyəcəyini deyib.

Qeyd edək ki, 38 yaşlı Meqan Ancelina Colini Hollivud xəyallarını həyata keçirməyə yardımçı olacaq bir müəllim kimi gördüyünü açıqlamışdı.