İnsan dünyaya göz açandan bəri köməyə ehtiyac duyur. Uşaq vaxtı ona ailəsi bu yardımı göstərir. Amma böyüyəndə bu problemləri özü həll etməli olur. Buna görə də çətinlik çəkir. Getdikcə özünə kənardan yaxın, sirdaş, başqa sözlə desək, dost axtarıb tapır. Ona görə də dostu bu cür çətin anlarda bizə kömək edə biləcək ən möhkəm dayaqlarımızdan biri hesab edə bilərik. Dost insanın güzgüsü kimidir. Güzgü insanı özündə əks etdirib ona öz eyiblərini söylədiyi kimi, dost da eyni ilə insana öz eyiblərini deyir. O sənin dar günündə də, yaxşı, xeyir günündə də yanında olur.
Bu gün ad gününü qeyd edəcəyimiz "Ədalət və Həqiqət" qəzetinin təsisçisi və baş redaktoru, "Turaz.tv" saytının rəhbəri Cəmil Zəbhulla oğlu Dadaşov da o dostlardandır ki, bütün müsbətləri, xeyirxahlıqları ilə hamımızın yanındadır. Üzü Şamaxıdan Zaqatalayadək, Bakıdan Lənkəranadək, Gürcüstanadək, Türkiyəyədək, Rusiyayadək, uzaq Sibir ellərinədək əl tutur, bu və ya digər formada köməkliyini əsirgəmir. Beləsinə doğrudan da canıyanan, qayğıkeş və əsl vətənpərvər demək olar. Özü də tam cəsarətlə!

Ancaq yadda saxlamaq lazımdır ki, onun bizə kömək etdiyi kimi, biz də ona kömək etməliyik. Yəni dostluq təmənnasız olmalıdır. Vaxtı gələndə biz də ona kömək etməliyik.Dost dünyadakı ən gözəl mənanı bildirir. Sadəcə əsl dostu qazanmaq və onu düzgün seçmək, ona sadiq qalmaq lazımdır. Bizim dostluğumuzun tarixi 30 ildən artıqdır. Bu illərdə bir dəfə görməmişəm ki, Cəmil müəllim məndən nədənsə incisin, yaxud, əksinə, mən ondan inciyim, umu-küsü edim. Kimi dindirirsənsə, onun xeyirxahlıq “bulağı”ndan su içib. Bu mənada onu xoşbəxt saya bilərəm.
Onun da, bizim də bir arzumuz var: Uzun illər həsrətində olduğu və tam cəsarətlə deyərdim ki, haqqı çatdığı mənzillə yaxın vaxtlarda təmin edilsin. O yaradıcı insana kimi kirayə ev tutmaqdan bezib, şəxsi əşyalarını 5-6 aydanbir növbəti ünvana köçürməkdən, daşımaqdan uzanıb. İnanırıq ki, bu problemi, çəkdiyi əziyyətləri öz həllini tapacaq.
Sonda isə hörmətlli Cəmil müəllimi bağrımıza basıb ad gününü qəlbən təbrik edir, ən əsası ona cansağlığı, sağlıqlı ömür arzulayıram.

Hörmətlə; Cəmilsevərlər adından Daşdəmir ƏJDƏROĞLU