Birləşmiş Ştatlar Portlenddə Alyaska Hava Yollarının uçuş depressurizasiyası hadisəsindən sonra bəzi Boeing 737 MAX 9 təyyarələrinin istismarını dayandırmaq qərarına gəlib.

"Turaztv.az""Unikal" - a istinadən xəbər verir ki, bu barədə Federal Aviasiya Administrasiyası (FAA) qərar qəbul edib .

FAA Administratoru Michael Whitaker bildirib ki, aviasiya idarəsi bu təyyarə modellərinin uçuşa qayıtmadan dərhal yoxlanılmasını tələb edir.

O qeyd edib ki, FAA təhlükəsizliyə əsaslanan qərarlar qəbul etməyə davam edəcək. Agentlik hazırda Milli Nəqliyyat Təhlükəsizliyi Şurasına Alyaska Hava Yollarının 1282 saylı reysi ilə bağlı araşdırmasında köməklik göstərir.

Yanvarın 5-də Alyaska Hava Yollarına məxsus Boeing 737-9 MAX təyyarəsi təcili çıxış qapısının havaya uçmasından sonra Portlenddə təcili eniş edib . Sərnişinlərdən birinin dediyinə görə, havaya qalxandan az sonra lyuk boşalıb. Ekipaj gəmidəkilərə təzyiq problemi ilə bağlı xəbərdarlıq edib və eniş etməyə başlayıb. Təyyarənin göyərtəsində 171 sərnişin və 6 ekipaj üzvü olub, heç kim xəsarət almayıb.