"İnstaqram” və “Facebook” sosial şəbəkələrinin fəaliyyətində problem yaranıb. Bu, bir sıra ölkələrdə, ən çox da ABŞ, Böyük Britaniya və Kanadada müşahidə olunur.

AZƏRTAC xəbər verir ki, bu barədə həmin şəbəkələrin fəaliyyətini analiz edən “Downdetector” xidməti məlumat yayıb.

“Instagram” istifadəçilərinin təxminən 62 faizi tətbiqlə bağlı problemlərin olduğunu, 19 faizi serverə qoşulmaqda çətinlik çəkdiyini, 19 faizi isə saytdakı problemlərdən şikayət edib.

“Facebook”da istifadəçilərin 82 faizi saytın açılmaması, 10 faizi proqram təminatı, 8 faizi isə serverə qoşula bilməməklə bağlı çətinliklə üzləşib.

“WhatsApp” messencerdə də nasazlıq qeydə alınıb.