Fevralın 22-də 21 yaşadək gənclər arasında Azərbaycan birinciliyinin fərdi yarışlarının ilk yarış günü keçirilib.

Turaztv.az AZƏRTAC-a istinadən xəbər verir ki, Hövsan qəsəbəsində yerləşən Fövqəladə Hallar Nazirliyinin (FHN) İdman Sağlamlıq Mərkəzində təşkil olunan yarışda 6 çəki dərəcəsində 112 cüdoçu arasında qaliblər müəyyənləşib.

Qızlar arasında Rita Əliyev (52 kq), Leyla Atayeva (63 kq), oğlanlardan Tahir Həsənli (55 kq), Aydın Rzayev (66 kq), Əli Həsənov (81 kq) və Atababa Niftəliyev (100 kq) fəxri pillənin ən yüksək pilləsinə qalxıblar.