Əvvəl belə deyildi......Əfşan YUSİFQIZI

Xəbərlər

10.10.2022, 22:49

Əvvəl belə deyildi......Əfşan YUSİFQIZI

Əvvəl belə deyildi......
Zəriflik, incəlik yox olub, qabalıq hopub adamların ruhuna, İlahi, bu nə azardı...?
Laqeydlərdən, qəlbi daşa dönmüşlərdən yer də, göy də bezardı...
Rəğbətdən, hörmətdən sevgi umurlar, sanki sevgi rüşvət, ürək isə bazardı....
Əvvəllər sevgi satılmazdı, alınmazdı, damla-damla gözdən beyinə,
beyndən ürəyə sızardı...!
Birtərəfli olan hər şey, rəğbət də, hörmət də, dəyər də, sevgi də qanadı qırılmış quşa bənzəyərdi...
O qanadı qırılmış quşcığaz, tək qanadla yerdə vurnuxardı, çabalardı...
Göyün isə bu çırpıntıdan xəbəri olmazdı.
Bilməzdi ki, yerdə göyün həsrəti ilə çabalayan, ona tərəf uçmağa can atardı...
İnad ilə çırpınmaqdan, tək qanadı qabar-qabardı...
Qəlbi daş olan bilməz ki, sevgidən kiminsə ürəyi cadar-cadardı...
Həqiqi aşiqlərə xoş olar, bu sevgi əzabı.
Onlar bilər, sevdanın kədəri qoşun-qoşun, bəlası qatar-qatardı...
O qədər ağırdı ki, bu əzabı hər ürəksiz çəkə bilməyən qədər ağır.
Ürəyi eşq ilə çırpınanların qəm yükü qalaq-qalaqdı...
Sınmış, parçalanmış qəlbləri calaq-calaqdı...
Çəkdikcə, çəkər yorulmaz, ilahi eşq daşıyıcıları....
Qədəri bilinməz sevda yolçuları diyar-diyardı....
Bir ömür həsrətli, qara sevdalı olanların ürəyi məzar-məzardı..
Və, bir gün deyəcəklər:
- Ürəyi məzar sevdalılar sırasında küsgün Əfşan da vardı...
Əli qələm tutandan giley-güzar yazardı...